Entrugues frecuentes tocante a Linux

Estrictamente falando, Linux refierse a una parte central del sistema, denomada kernel o núcleu, la cual allúgase dientro del sistema GNU. Lo que los usuarios usen nos sos ordenadores denómase en realidá "distribución del sistema GNU/Linux".

Na práutica, la pallabra "Linux" tuvo meyor recibimientu, y güei en día la xente usa cenciellamente "Linux" pa referise al sistema enteru. (Nun creeríeis la controversia que xenera esti fechu...)

Denomar al sistema como GNU/Linux tien más xacíu téunicamente (en realidá los usuarios usen más de "GNU" y pocu de "Linux"), pero tamién filosóficamente: La fortaleza del movimientu del Software Llibre entamó y entá se caltién gracies al proyeutu GNU.

Denomar Linux al sistema ye más práutico y cenciello pa usuarios de ordenadores que creen que Windows ye lo único sobro la Tierra.

Equí usamos dambos términos y esperamos que naide nun se sienta ofendíu por ello.

Cuando Richard Stallman escomencipió a diseñar GNU, el principal sistema n'usu yera Unix, que ye privativu. Como GNU tien funciones asemeyaes a (y ye compatible con) Unix, pero ye software llibre, usó el términu GNU que significa "GNU's Not Unix" (n'asturianu, "GNU nun ye Unix"). Ye un acrónimu recursivu. (Si esfrutes d'esta triba d'humor, nun dexes de lleer el significáu de GNU HURD).

Sí. Nun puede vender cualesquier programa que se-y ocurra baxo'l nome de Linux®. La marca rexistrada pertenez al institutu Linux Mark (inglés).

Non. GNU/Linux namái ye'l sistema llibre más usáu; sicasí, esiste un númberu de sistemes que tamién son llibres.

Esto inclúi a los derivaos d'UNIX FreeBSD, NetBSD, OpenBSD y OpenSolaris, el clon de BeOS Haiku OS, el clon de Windows NT ReactOS, el clon de DOS FreeDOS y Plan 9 (de los Llaboratorios Bell), por mencionar dalgunos.

Non. Hai pocos componentes llibres en Mac OS X y, téunicamente, ye mui asemeyáu a Linux, pero en xeneral ye software privativu: Tolos problemes cola llibertá en Windows tán presentes en Mac tamién.

Sí y non.

Téunicamente, la mayoría de programes de códigu abiertu son software llibre y viceversa.

Filosóficamente, son mui distintos. El términu "códigu abiertu" alcuñóse pa facer ver al "software llibre" más atractivu; los que lu sofiten venlu como una meyor forma de desendolcar software.
Quienes sofiten el términu "software llibre" valoren la llibertá, non simplemente cómo se fai el software, y por ello sostienen que "códigu abiertu" pierde'l xacíu.
El términu que vusté decida usar dependerá de la so visión del software.

El software llibre ye una custión de llibertá, non de precios. Tienes la llibertá de copiar, estudiar, modificar y regalar el software llibre.

La mayoría de les compañíes que desedolquen software llibre faen dineru vendiendo servicios rellacionaos col so software, n'arróu de vender el propiu software. Esto suel facese vendiendo tou como un paquete: El veceru merca'l CD, el manual y el serviciu de soporte téunicu d'una vegada. Y el software entá garantiza los tos drechos.

Pa más información, ver: Cómo malinterpretar el software llibre.

Normalmente hai trés tipos de polítiques rellacionaes cola inclusión del software privativu:

• Dalgunos creadores de distribuciones de GNU/Linux permiten software privativu pa que dalgunos preseos de hardware furrulen.
  Esto asocede porque a dalgunos fabricantes de Hardware (como ATI) nun-yos importa la llibertá de los sos veceros, y namái espublicen controladores y firmware privativu (dalgunos d'ellos nun espublicen absolutamente res, como Broadcom). Estos tán disponibles de baldre (son freeware), pero baxo llicencies restrictives. Por esta razón, distribuciones como Ubuntu inclúin estos componentes pa meyorar la compatibilidá del hardware.

• Dalgunos creadores de distribuciones de GNU/Linux nun sacrifiquen la llibertá del software y asegúrense de que la so distribución seya completamente llibre, como nel casu de gNewSense, la cual remanezse d'Ubuntu (pero quíta-y los componentes privativos).

• Dalgunos creadores de distribuciones de GNU/Linux empaqueten software llibre y privativu ensin distinción. A ellos nun-yos presta que los usuarios camienten na so llibertá; per contra, namái asoleyen les carauterístiques téuniques del so productu. L'usar tales distribuciones nun ye muncho meyor qu'usar Windows. ¡Nosotros valoramos la to llibertá y encamentámoste qu'escueyas con curiáu!

Munchos usuarios de Mac creen que tán exentos de les restricciones asociaes col usu de Windows. Desafortunadamente, equivóquense.

Mac OS X sí tien dalgunos componentes de baxu nivel que son software llibre; y Apple pon menos enerxía n'atar a los sos usuarios (con esfuercios como BootCamp).
Sicasí, l'usuariu final pierde igualmente la so llibertá: Darréu a la llicencia privativa, nun puede usar Mac OS X pa cualesquier envís, nin copiar, estudiar, modificar o redistribuyilu.

Afortunadamente, y porque eses llibertaes importen bastante, ye dable usar distribuciones de GNU/Linux (como Ubuntu) baxo ordenadores Mac.

¡Non!

Si lleísti o escuchasti esto, tienes d'anovar la to perspeutiva. Linux nun tien res que ver con estes coses. Si decides facelo o prefieres descargues intelixentes y llegales, Linux furrulará xusto como Windows. Desafortunadamente nun se puede identificar a los lladres pol modelu d'automóvil qu'usen; lo mesmo pasa col sistema operativu.

GNU/Linux creóse por persones a les que nun-yos presta la idega de que toles ordenadores del mundu seyan productu d'una mesma empresa. ¡Y eso, definitivamente nun tien res de malo!

Más información nel artículu: Cómo malinterpretar el software llibre.

Non, res d'eso. Eso yá lo desplicamos n'otru artículu.

¡Si! Hai fechu un sitiu web precisamente pa eso, LinuxPreinstalado.com, el cual menciona los vendedores de ordenadores portátiles y de mesa con Linux.

¡Y decátese de que nun fai falta mercar un nuevu ordenador pa usar GNU/Linux!

Si. Toles distribuciones principales, como les qu'encamentamos, tán disponibles en varies llingües, y sofiten muches tribes de tecláu.

A la escontra de Windows, toles llingües tán incluyíes nel discu d'instalación, asina que nun fai falta que descargue (o pague) una versión totalmente distinta pa camudar la llingua nel so ordenador.

Si. Ye completa y absolutamente llegal (suponiendo, claro, que seya'l so ordenador).

La etiqueta ye pura mercadotecnia, nun tien valor llegal. Creemos que ye un drechu fundamental escoyer cuál software instalar nel nuesu propiu hardware.

Esti drechu ta viéndose amenaciáu pola aparición d'elementos como DRM y la "Computación enfotable". Llea'l nuesu artículu La importancia d'una sociedá llibre, si ta interesáu nesti tema.

Definitivamente, nun va facer falta. Furrulará felizmente nel so ordenador actual.

Lo único sobro lo que podría esmolecese ye si usa hardware especial mui nuevi, como tarxetes gráfiques. Del restu, casi toles distribuciones de Linux furrulen en PCs corrientes (davezu denomaos "i386" o "x86"). Los ordenadores con procesadores de 64 bits y ordenadores Mac de Apple (incluyendo les series G5, G4, G3). Llea cómo puede prebar ya instalar Linux nel so ordenador, bien seya en solitario o con Windows.

Non.

Téunicamente ye dable adautar Microsoft Office a Linux, pero Microsoft nun quier permitir a los usuarios d'Office escoyer el so sistema operativu. Arriendes, tamién hai unos inconvenientes con Office y l'apertura (como la feroz oposición de Microsoft de sofitar el formato OpenDocument.

De cualesquier mou, esiste un completísimu paquete ofimáticu llibre: OpenOffice.org. Abrirá ensin problemes tolos sos ficheros de Word, Excel, PowerPoint, Access, y lo meyor, de baldre dafechu, y arriendes ye software llibre.

La rempuesta cenciella sedría "si", magar que namái sedría la metada de la verdá.

Munches distribuciones de Linux nun inclúin software que reproduza MP3 darréu a la situación con esa patente. Pero como esti problema nun afeuta direutamente a los usuarios finales, la mayoría de les distribuciones faen que seya mui fácil pal usuariu instalar el sofitu pa MP3 dempués de la instalación del sistema, pa finalmente reproducir estos ficheros d'audio llegalmente, pa un usu ensin fines de llucru (como lo desixe la so patente).

Per otru llau, la situación colos DVDs ye más complexa. La mayoría (o toos) los DVDs son encriptaos con un sistema denomáu CSS ("Sistema pa la Codificación del Conteníu", n'asturianu). Y magar que hai un software llibre enantadamente sofitáu que ye quien a decodificar talos DVDs (denomáu libdvdcss), en llugares como Estaos Xuníos y la Xunión Europea ye illegal usalu porque taría esmuciéndose de les restricciones impuestes.

Anguaño, nun hai igua llegal dalguna pa reproducir DVDs en Linux au libdvdcss ye illegal. La compañía Fluendo tá desendolcando una alternativa (non llibre) pa esti propósitu, la cual espérase que seya anunciada aína.
Sicasí, los DVDs non encriptaos, como la mayoría de los creaos en casa, pueden reproducise perfeutamente usando namái software llibre.

Sí y non: Hai xuegos, como dalgunos de id Software (Quake III, Quake IV y Doom III), Unreal Tournament, Cold War, y munchos más, que sí tienen versiones pa Linux.
Desafortunadamente, la mayoría de los xuegos más populares namái furrulen en Windows y raramente en Mac OS. Dalgunos xuegos pa Windows, como Battlefield 2 y GTA Vice City, pueden xugase en Linux con Wine o la so variante Cedega, pero implicaría ciertu esfuerciu non mui placenteru pal usuariu. Pa conocer los xuegos que se conoz que furrulen con Cedega, puede revisar na so base de datos.