Escueye una distribución
Darréu que nun hai un sólu Linux, puede que seya difícil decidite per ún. Equí alcontrarás la nuesa esbilla de trés distribuciones cencielles d'usar, ente les más usaes nel mundu.
Ubuntu
Cenciella, fácil, llista pa usar: La nuesa favorita. Una llimpia y suave atmósfera qu'enxamás s'interpón nel to camín. Tolos programes caltiénense n'orde y xestiónense cenciellamente. La configuración caltiénse más simple que complexa.
Encamentámoste esta distribución si quies un mou cenciellu d'aniciate en GNU/Linux.
Ubuntu tien una distribución hermana, Kubuntu, con un aspeutu distintu y más opciones de personalización.
Fedora
La distribución de la renomada compañía Red Hat de desendolcu GNU/Linux. El so diseñu ye parecíu a Ubuntu (magar que tamién se puede usar KDE, un entornu d'escritoriu más avanzáu, que s'usa en Kubuntu), pero hai dalgunes diferencies nes aplicaciones escoyíes, sistema d'instalación y dalgunos elementos téunicos.
Encamentamos esta distribución si quies deprender tocante al furrulamientu del sistema GNU/Linux y la so configuración de seguridá, desendolcar software o nun dispones de conexón a internet.
gNewSense
Yá que Ubuntu contién componentes restrictivos, los desendolcadores de gNewSense crearon un deriváu llibre dafechu, cola aida de la FSF. Magar que la so comunidá ye más pequeña y el sofitu téunicu de hardware ye inferior, gNewSense da-y a los sos usuarios la llibertá que se merecen baxo un sistema operativu cásique idénticu a Ubuntu.
Encamentamos l'usu d'esta distribución si ta comprometíu a usar namái software llibre.
Nota: Hai abondes distribuciones más.
Estes son namái les distribuciones que nós encamentamos a los que quieren prebar GNU/Linux. Los enllaces nun son comerciales.
