Por qué Windows non
Windows y Office funcionen bien, entós, ¿cómo pueden ser tan malos?
Restricciones
Una copia llegal de Windows ye costosa, pero, ¿qué obtienes realmente? Nin Windows nin office se venden, sinón que lo que se vende ye una llicencia pa usalos.
Para usar estos productos, tenemos qu'aceutar delles restricciones mui fuertes. Na mayoría de les llicencies de Windows, nun puedes caltener el software cuando cambies de ordenador. A vegaes nin siquier puedes regalar el software. Microsoft imponte quién puede usar el software, en qué ordenador y pa qué propósitos; la llista de restricciones ye llarga y n'ocasiones aberrante.
Ensin alternativa
El software tendría de venir ensin mecanismos p'arreyar a los usuarios a los productos d'una compañía.
¿Por qué los documentos d'Office son tan difíciles d'esportar? ¿Por qué los sos formatos tán camudando de contino? ¿Por qué nin siquier puedes desinstalar dalgunos programes? Si busques el control, los productos de Microsoft nun son pa ti.
Ensin códigu fonte
El códigu fonte (los detalles del furrulamientu d'un programa) de Windows y Office tán anubríos, y arriendes naide tien permisu llegal pa pescudar cómo furrulen.
Si nun tienes drechu a inspeccionar el códigu fonte (la descripción del furrulamientu d'un programa), nun puedes pedi-y a un informáticu que modifique'l software nin qu'evalúe cómo'l software protexe la to privacidá.
Y aldovina qué: Nel software que cuyu códigu fonte ta disponible, los programes maliciosos (como los virus) nun algamen el so oxetivu, ye dicir, equí la seguridá nun se merca per separtao. La industria de los antivirus, na que Microsoft xuega un papel crucial, prefier que tú uses Windows.
La importancia d'una sociedá llibre
Una sociedá llibre necesita software llibre. Necesita la llibertá pa inspeccionar el software, deprender d'élli, y modificalo d'acordies a les sos necesidaes.
Los ordenadores úsense pa compartir idegues, cultura ya información. Ensin estes llibertaes sobro'l software, tamos en riesgu de perder el control sobro lo que compartimos.
Esto yá ta asocediendo anguaño; dende teunoloxíes evidentemente cafiantes como la Xestión Dixital de Restricciones (DRM) fasta les dafechu espantoses como la Computación d'Enfotu (TC). El drechu que tien cualesquiera de participar na cultura ta viénsose amenaciáu.
Si tienes que refugar de la to llibertá pa usar un software, seique entós nun teas lleu con él.
Munches persones danse cuenta de que Windows, un software que nun tien res d'especial, quíta-yos tantos drechos que nun paga la pena l'usalu. Lo mesmo asocede con Mac OS X.
Si te llama l'atención el software llibre, seguramente querrás pasate a Linux.
