dir al conteníu
Escoyeta de llingua

Ensin alternativa

Cásique 3 millones de ordenadores véndense añalmente en China, pero la xente nun paga pol software.
Magar que dalgún día fadránlo. Mientres ellos sigan robando [sic], preferimos que nos roben a nós. En ciertu mou volveránse adictos y alcontraremos dalgún mou de saldar les deudes dalgún día na siguiente década.Bill Gates, entrevista en 1998 (n'inglés)

Microsoft trabaya mui duro pa caltener arreyaos a los sos usuarios y que namái usen los sos productos.

  • Nun hai sofitu téunicu pa estándares abiertos

    Esisten formatos de ficheru y protocolos abiertos, los cuales son estándares p'atroxar y tresportar munches tribes d'información, respectivamente. Son definíos abiertamente: Pueden usase por cualesquier persona en cualesquier ordenador, agora y nel futuru. El software privativu normalmente evítalos.

    Microsoft Office namái ye quien a lleer y escribir formatos de Microsoft. Hai munches formes d'escribir documentos del trabayu, pero los usuarios d'Office tán arreyaos a los formatos de Office.
    Les persones que nun escoyeron los privativos productos de Microsoft nun pueden atroxar nin abrir ficheros .doc de mou fiable.

    Por supuestu qu'esisten otres formes d'atroxar ya intercambiar ficheros d'oficina, el más conocíu ye el formatu ODF. Pero a Microsoft nun-y presta la idega de dexar que los usuarios d'Office puedan facer ficheros que cualesquiera pueda lleer y editar.

  • Los sos estándares camuden de contino

    Apegase a los estándares de Microsoft nun ye una xera cenciella, sacante que puedas pagar los anovamientos de mou frecuente. ¿Dalguna vegada intentesti trabayar sobro'l mesmu ficheru .doc nún ordenador con Office 95 y otru cola versión d'Office 97? Sabrás a qué nos tamos refiriendo.

    Microsoft ye'l propietariu de los formatos de ficheru d'Office: pueden camudalos con cada nueva versión y nun tien la obligación de caltenelos compatibles con versiones anteriores.
    ¿Guardaste la to presentación como un ficheru .ppt? Si dexes d'usar Microsoft Office el próximu añu, tendrás que depender d'otres comunidaes pa que-y faigan inxeniería inversa al formatu, y d'esti mou ser quien a lleer el to propiu trabayu!

  • Programes por defeutu que nun pueden desinstalase

    ¿Nun quies tener reproductor multimedia de Windows nel to ordenador? ¿Yá nun uses Internet Explorer? Tú nun puedes desinstalar estos programes.

    Avezaben a trabayar de mou independiente, pero agora tán insepartablemente arreyaos a Windows; d'esta miente ye como vienen con cualesquier ordenador y naide puede desfacese d'ellos.

  • Práutiques monopolístiques

    Microsoft tien un gran control sobro los fabricantes de ordenadores, quienes entreguen los sos equipos con Windows preinstaláu.
    Esto quier dicir que dengún programa que compita con productos Microsoft, yá seya'l reproductor multimedia, el restolador web, el paquete ofimáticu o el programa de mensaxería instantáneo, podrán venir preinstalaos nos ordenadores que vayas a mercar.

Ye una bona idega proponer una enantada gama de programes y servicios como lo fai Microsoft, sicasí, diseñales y combinales p'allonxar a los usuarios d'alternatives ufríes por competidores, nun ye ético. Téunicamente nun ye abegoso adoutar más formatos abiertos. Pero eso significaría que los consumidores sedríen llibres d'escoyer qué faen col so trabayu, y esto a Microsoft nun-y presta.