Ensin códigu fonte
El códigu fonte detalla la forma en qu'un programa trabaya (de fechu, ye lo que los programadores escriben). Ensin ésti, nun se puede atalantar cómo ta fechu un programa.
Nun importa si tú nun lu atalantes: El tar disponible o non afeuta direutamente a cualesquier usuariu.
Naide puede saber qué hai dientro
Windows vien ensin códigu fonte. Ye más, al usalu, tienes qu'atenete al términu de la llicencia que diz:
Nun podrás facer inxeniería inversa, decompilar o desensamblar el software.Asina que ye illegal descubrir cómo funcionen Windows o Microsoft Word; hasta intentalo ye illegal.
Tamién te prohibe modificar el programa pa cualesquier propósitu.Esta restricción na licencia ye p'asegurase que Microsoft permaneza como la única organización qu'entiende cómo funcionen los sos productos. Windows ye parecíu a un coche au namás al fabricante orixinal se-y permite da-y serviciu.
La inseguridá ye bona pa los negocios
Cuando se descubre un fallu en Windows, sácase provechu d'él: el resultáu son troyanos, virus, spyware, y les sos variantes. Tales molesties encánten-y a la industria del software que desendolca proteiciones antivirus con soscriciones.
Tamién esiste un considerable interés en llanzar software defeutuosu que naide ta autorizáu a modificar, pa llueu vender proteición (los programes anti-virus nun igüen fallos: namái eviten que los virus s'aprovechen d'ellos, si tán activos y anovaos).Güei en día, Microsoft véndete felizmente la proteición n'escontra de la so propia inseguridá; ¡la mazana envelenada y l'antídotu véndese per separtao!
Puedes enfotate nel software llibre
Nun resulta una sospresa que'l software privativu tea tan mal en términos de seguridá, comparáu col software cuyu códigu fonte ta disponible (incluyendo a GNU/Linux).
Col software llibre los programadores pueden camudar el códigu pa iguar defeutos. Significa que puedes contratar a un informáticu pa verificar que'l to software ye daveres seguru. Significa que puedes beneficiate de les contribuciones d'una comunidá mundial que meyora la seguridá y la fiabilidá del software, constantemente.
Quince millones d'usuarios usen GNU/Linux ensin antivirus, y tán a salvu. Asina como los sirvidores de los motores de gueta (como Google o Yahoo!) y los bancos usen GNU/Linux tamién.
El códigu fonte ye la receta del software. ¿Cómo puedes meyorar una comida pa facela menos salada si te prohiben l'accesu a la receta cola que se fizo?
L'usar Windows y Office nun dexa que pidas o guetes el códigu fonte del software. Namái Microsoft puede modificar el to programa.
¿En cuál vas enfotate, nel software que nun se puede inspeccionar o nel que vien cola so receta?
