La importancia d'una sociedá llibre
Si tentara de bloquiar lo que digo, de la mesma manera qu'una compañía de software privativu fai, entós la industria de les conferencies, escritura, comunicación, sedría abondo litixosa, y los costes de les tresacciones sedríen descomanaos. Go Open Source - Big Gun: Don Marti
Hai muncho más nún software que ser d'enfotu (o ser de "Códigu Abiertu"): Lo que daveres importa ye la llibertá que tienes sobro élli. ¿Puedes deprender d'élli? ¿Puedes trabayar sobro élli? ¿Puedes distribuyilu? Eso ye a lo que nos referimos con "software llibre".
Nun ye un conceutu disparatáu
Pa munchos usuarios suena raro que'l software tenga de ser llibre, darréu que dengún de los productos de Microsoft lo son. Sicasí, entá siguin tando presentes estos principios de llibertá na nuesa sociedá, por exemplu:
- Un chef nun llegaría a prohibi-y la so receta nin facer derivaos d'ella. La industria de la comida medra muncho, pesie a que la llei desixe que los ingredientes de la comida tienen d'indicase nes etiquetes de los productos.
- Un sistema de xusticia tresparente permitiría-y a cualesquiera acceder a les vistes y argumentos nún xuiciu; non sólo al veredictu (el resultáu), sinón al procesu ensembre.
El software llibre ye como la llibertad d'espresión: Necesariu pa una sociedá llibre. ¿Entá nun tas convencíu? Permítenos falate sobro'l software privativu un pocu más.
El software privativu va mui mal
Los llímites del software privativu van más alló de la so inseguridá (vea el nuesu artículu sobro'l códigu fonte): Anguaño, esti software interfier cola difusión de la cultura y la información. Esto asocede principalmente per aciu de dos teunoloxíes:
-
Xestión Dixital de Restricciones 1 (DRM)
La principal idega de la Xestión de Drechos Dixitales1 ye restrinxir l'accesu a los ficheros. Los usuarios alcuentren esto cuando, por exemplu, alquirieron música en iTunes, y llueu l'únicu mou d'escuchar la so música ye per aciu d'un sólu reproductor, d' un sólu fabricante. Con esti métodu, les compañías enfréntense a los infractores de los drechos d'autor, pero tamién priven a los sos usuarios del llibre accesu a los sos ficheros.
DRM ye'l control sobro'l conteníuMagar que realmente'l control nun ta nes manes del usuariu final. El propósitu orixinal de la GDR ye razonable, pero les implicaciones sobro'l fluxu de la información y la cultura dientro de la sociedá son llercioses.
- Imaxina un llibru qu'automáticamente séllase dempués de lleelu una sola vegada.
- Imaxina documentos qu'auto-afárense al tentar de colar pela puerte.
- Imaxina teléfonos que namái funcionen si la persona a quien tas llamando tuviera usando un teléfonu del mesmu fabricante que tú.
¿Alloriante, non? D'eso encárgase la "computación enfotable o de seguranza".
-
Computación Enfotable o de Seguranza
La computación d'enfotu (a veces denomada aceñadamente "computación traicionera"), implica qu'un ordenador namái puede usar software "d'enfotu". Concibióse pa ser una inviolable proteición n'escontra del software maliciosu y violaciones a los drechos d'autor (esautamente, de xente copiando software privativu).
La computación enfotable ye control sobro'l ordenadorLo asombroso sobro la Computación d'Enfotu ye que tú nun puedes dicir lo que ye digno de seguranza y lo que non. Por exemplu, el to ordenador podría refugar executar programes que nun tean certificaos pola compañía de software (programes que podríen permitite llevar documentos fuera de la oficina, o reproducir un DVD del to vecín, o unviar una redacción a daquién que nun usa el mesmu programa).
Una gran rama de posibilidaes ábrense pa les compañíes que se beneficien de llimitar lo que pues facer col to propiu ordenador (como les compañías de software privativu y les discográfiques). De sópitu ye dable alquilar DVDs que namái se reproducirán dos vegaes, o música que namái puede escuchase n'Ochobre, o información que puede lleese pero nun puede grabase o copiase. Asina, d'esmenu, la Computación Enfotable o de Seguranza y la Xestión Dixital de Restricciones permiten el control remotu sobro'l conteníu.
La Computación Enfotable, a la fin, permíte-y al editor escribir la so propia llei de drechos d'autor.
El gran impautu
El drechu d'autor ta siendo trocáu por llicencies d'usuariu final pa conteníu dixital, usando contratos p'afitar los drechos de propiedá absoluta que les llei de drechu d'autor pretendíen orixinalmente ñegar a los autores. Unbounded Freedom
La computación yá nun se trata de cálculos namái. Usamos el software pa comunicanos: Pa compartir información, idegues y cultura. El software ta nos nuesos teléfonos, automóviles, reproductores de soníu, televisores, y aporta a gobiernar cada nuevu preséu al nuesu alrodiu.
El software ye cada vegada más usáu pa facer cumplir les regles. Regles que pueden, o non, ser la llei. Regles que pueden, o non, ser xustes. Si'l software nun ye llibre, nun habrá espaciu pa que'l usuariu influya nestes regles.
La Computación Enfotable y la Xestión Dixital de Restricciones, propicien un modelu de sociedá nel que la cultura y la información nun son simplemente convertíos en productos (agora mesmo sonlo, y ta bien), sinón que sedríen productos de consumu.
El códigu ye poder. La mayoría de los documentos actuales tán escritos y codificaos con algoritmos secretos, en software privativu. ¿Qué sedrá de los llibros, semeyes, películes, ensayos, animaciones, música y noticies del mañana? Programes privativos como Windows nun son tresparentes. Una sociedá o cultura llibre nun puede espoxigar con talu software.
¿Podríemos suxerite pasate a Linux?
Más información
El drechu a lleer
¿Cómo ye'l mundu de la Computación de Seguranza? Esti ye un curtiu artículu fechu por Richard Stallman pa describir cómo esto puede afeutar a cualesquiera de nós.
Introducción al DRM
Un bon artículu, en castellanu, qu'apurre una completa desplicación sobro la Xestión Dixital de Restricciones.
El software llibre y los formatos de ficheros llibres son imprescindibles pal conocimientu llibre (n'inglés)
Un artículu fechu por Jimmy Wales, ún de los fundadores de la enciclopedia llibre Uiquipedia.
¿Puede enfotase nel to ordenador?
Un artículu del proyeutu GNU que desplica, a fondu, el problema cola "computación d'enfotu".
Por qué el software nun tien de tener propietarios
Un testu crucial pal movimientu del software llibre, escritu por Richard Stallman. Él mesmu refuta argumentos y desplica munches idegues fundamentales.
Cómo malinterpretar el software llibre
Más tocante al software llibre nesti sitiu web.
